توکرم غملری بوسینه ده پنهان ائلرم
سنی مجنون تکی اوز جانیمه جانان ائلرم
قوی دئسین لر کی بو اوغلان دلی دیر
دلی ام لیلی دن اوتری بئله اعلان ائلرم
یازولار بس کی آدوم دفتر دوران لاردا
هامی عاشیقلری اوز عشقیمه حیران ائلرم
ای منیم آهوی خوش نقش و نگاریم قاچما
گل گوزل گوزلریوه جانیمی قربان ائلرم
کیم بیلر بو غزلیاتی کیمین چون یازارام ؟
دئسم آدون هامی افکاری پشیمان ائلرم
هی گوزوم یاشینی توکدوم که باغوشلا منی یار
دئدی الیاس اوتور دردییی درمان ائلرم
بولبول اوخور قمری غزلخوان اولور
گلسن آقا احوالوموز بار اولور
حیوان آداملار دونر انسان اولور
شیعه لرین حالی اولور یاز کیمین
ظالم لرین حالی زیمستان اولور
کرببلا مرکز دونیا اولور
آمریکا دا بیر بالا استان اولور
گلمه میش آقا بئله وار خیالوم
گلسن آقا گور نئجه داستان اولور
یول گوزله مک الیاسی لاپ قجالتار
گور سه سنی او سنه قربان اولور
بوندان بئله من اولموشم ای ماه بدخشان
دوستلار هاموسی آتدی منی یوخدی امانیم
دوشمانه پناهنده یم ای عالمه سولطان
آغلار گوز و غمگین دل و سینمیش اوره گیم وار
زیندانه سالوبلار منی ای صاحب دوران
هرکیمسه اوزون خلقه بویوک گوستریر آمّا
من ذرّه جه یم قالموشام اوز حالیمه حیران
هرکیمسه باشاردی بیزی ووردی یئره سالدی
گوز یولدایام اولسون سنیلن عدل نمایان
گل گل آقاجان یوخدی داها تاب و توانیم
الیاس دییئر ای گل نرگس سنه قوربان