کانون ادبی امیر

کانون ادبی امیر

اشعار و مطالب الیاس امیرحسنی
کانون ادبی امیر

کانون ادبی امیر

اشعار و مطالب الیاس امیرحسنی

خورجین داغینا سلام /جدیدترین منظومه ی الیاس امیرحسنی


خورجین داغینا سلام /جدیدترین منظومه ی الیاس امیرحسنی

الیاس امیرحسنی,
منظومه ی خورجین داغینا سلام
اثری از الیاس امیر حسنی

خورجین داغی رازقانلولارنیجه دیر
بیللم،اوردا گونش باتوب گئجه دیر
پولانموشوز شاملارویوز جوجه دیر

منده بورداسیزلری یادایلرم
شعریازارام گوینیزی شاد ایلرم

خورجین داغی کهلیک لارون نه حالدا
قوجالارون،جوانلارون،نه حالدا
کوچا لارون،باجالارون نه حالدا

کوچالاردا نه قد ماشون دایانوب
شهر اولالی سنین بختین اویانوب

خورجین داغی سیکه مردن نه خبر
علی قرا،دربندلردن،نه خبر
مسجدلردن،منبرلردن،نه خبر

ای کاش سندن خوش خبرلر گلیدی
رازقانلولار اوزی بوتون گولیدی

خورجین داغی وصیتیم وارسنه
ینگی ایمامدا بیرقبیر قاز منه
عاشیقلارون ییلاقی قوی گورسنه

هرکیم اورا گلر ده آغلاماسون
یاگولسون یا گولدورسون یا اویناسون

خورجین داغی حالوم بتر یاماندور
قدیم کیلر دوشوب یادا آماندور
هرزادوموز مصنوعودرو یاواندور

خوشلوقلاری الیمیزدن آلدولار
بیربیریندن،بیزی اوزاق سالدولار

خورجین داغی نه خوش گونلر واریدی
به کار قالماخ اوزمانلار عاریدی
اوشاق،بویوک مشغول بیرکاریدی

ایندی بوتون به کارگزیپ دلانلوخ
عارگلیری بیله میزه چوپانلوخ

کاش گنه بیر سوری داوار اولایدی
تئزدن ننم منی یولا سالایدی
داوارسسی کوچالاری آلایدی

منده داواریایوب چوپان اولایدوم
داغدا گئدیب یاماشلاری یایایدوم

خورجین داغی سلام اولسون اوقاریاقان گونلره
چایلاروموزدان سئل آخان گونلره
قیز،اوغلانلار بیربیرینه دوروب باخان گونلره

سن منه باخدون من سنه ایراخدا
دیل لریمیزکسمیشدیلر اوراخدا

یادومدا کن دئییم سیزه اکیندن
یای گونلری اکین درماق ،بیچیندن
اشکلرین برک باقلاردوک قیچیندن

دسته دسته دالا ووردا درردیک
قوجاقلاری ییغیب خرک ائلردیک

خرک لری اشک اوسته سالاردوک
کنده طرف اشکلری قاواردوک
یول گئت میینده اشگی ووراردوک

خرک اگیلردی بویان اویانا
چاش دی یردیک بلکه اشک دایانا

نه خوش گونلر گئچیرردیک خرمنده
چرخ وسیغیر ،گل بئله اوهه سنده
سوکوزه ده نه پلاستیک کولمنده

دادام گئدیب باغدان اوزوم درردی
چرخ اوسته کی لر اوزومی یی یردی

خورجین داغی عرض اولسون اوخدمته
قدیم کیلر دوشمه دیلر ذیللته
ایشله دیلر خرج ائتدیلر کولفته

ایندی داها دونیا جدید اولوبدی
یوز جوروسیله کندلیلر آلوبدی

خورجین داغی قیشده اوزون آغ اولسون
دوردطرفین بولاغ اولسون باغ اولسون
را زقانلونون آشی دولی یاغ اولسون

بیزده گلدیک گوردک دئدیک گئدیریک
خودا بیلر سیزلری چوخ سئویریک

خورجین داغی اینجی قارا اوجا دور
رازقانلونون حورمتلی سی قوجادور
ایگیدلری قورخی بیلمز شجادور

بیلمم نیجه بیربیریندن کوسوبلر
محبتی ریشه سیندن سوکوبلر

سلام اولسون مرحوم فاضل روحونا
رحمت گئدسین قبرینه چارطاقونا
یاخچی یاخچی اونون شاگیرد لارونا

دی یلر کی ساده،مومن کیشی یی میش
چراغلاری غیبدن اونون یانیری میش

توزلی کوچا باغوندا قوز توکردیک
گئچیب،گئدنلره،تاروف ائلردیک
توکوب، ییغیب،آخوردا،دا بولردیک

اوردان گئچن آلله،قووات وئرردی
قوزدان ییغیب،سیندیرردی،یی یردی

موختار عمیم چیخردی لاپ اوجویا
قوزلار چوخی توکولردی کوچویا
رحم ائلردی قارداش اونداباجویا

چوپلرینن ارخ قاباقون باقلاردوک
مال داوارا اوت درردیک ساخلاردوک

ایکی آیدان ننم تندیر سالاردی
قونشولاردان آ جی خمیر آلاردی
شربان ننم اونا یاردوم اولاردی

نه جور قشنگ یاپاردولارچورکی
صبحانا دا گاهدان یردیک ترکی


خورجین داغی رازقاندا قلعه لر وار
قلعه لرده سحرلی قصه لر وار
بورج لارون آلتوندا گنجه لر وار

بعضی سینی آختاروپلار تاپوپلار
تهراندا بیلمم نمه لر آلوپلار

خورجین داغی بعضی لرین اثر اولار سوزونده
بیر قیمجیلاق حیا اولور گوزونده
هرنه دئسه دی یر آدام یوزونده

دالدا دالدا سوز سوزه هی قاتمیاک
بی خود یئره مردومی آغلاتمیاک

خورجین داغی اصلان خانون بولاغی
اولدی گئتدی کندلی لرین اولاغی
اوسوب خلج ،چولی،یولی،یولاغی

یازدوم قالا خاطیره ده کیتابدا
گورنلری خوش ائده بیر حسابدا

قجالوقون کاش اولایدی دواسی
قئییتیدی زوری،شیکلی صداسی
اوندابیلردی نئلیه،خوداسی

گئدردی اوندا یاخچی لوق یولونی
آختاراردی هم ساقینی سولونی

خورجین داغی اوره گیم ده یارا وار
شهریمیزدن سوای بیزه هارا وار
بعضی لراتینده قارا یارا وار

بیرگون اولور غوصالاری آتاروک
گنه بیرده بیر بیرینه چاتاروک

قوی من سایوم بیرجه بویوک لریمیز
یاخین لاشسون بیرده یورک لریمیز
یادلارا دوشسون دوز،چورک لریمیز

حاج ممدین آدون بوردا گتیریم
امیرحسن لره سالام یئتیریم

حاج ایبراهیم حاج ممد اوغلوییدی
آدقازانان رازقانا بیل اوییدی
امیرحسن لرین بو یو گو ییدی

مدرسه نی رازقانا او گئتیردی
رازقانی اوآباد لوقا یئتیردی

کندلی لردن چوخلارون ایشه سالدی
همسایه کند لردن حقیمیز آلدی
کنده سویی اوچکدی،آدی قالدی


ائوی اونون رازقانلونون پاسگاهی
یاده سالاک خید متلرین گه گاهی

مشد رضا دایی شبیه اوخوردی
حضرت عباس شبیهی اولوردی
هاهایلاتوپ سسی گوگدن گلوردی

بیر اوغلی وا ریدی علی تورانلو
شهید اولدی عین حسن مرانلو

رازقانون اول شهیدی سلیمان
وطن یولوندا جانی اولدی قوربان
رحمت اولسون اونلارا حق قرآن

علی خوشرو گول کیمی پرپر اولدی
چوخ چئکدی تا جنازه سی تاپولدی


مجید قباد،مرتضای جلیلی
شهید سعید،شهیدعلی مرالی
شهید عباس شهید تیمورقاری

جان وردیلر اولار وطن یولوندا
آغلادولار مردوم اولار طویوندا

اصلانی لر،شهید امیرحسنی
صحت،زیور،ابوالفضل قبادی
آدینه وشهیدحسن عشقی

بدنلری قیزیل قانا بویاندی
بیرعده،ده یوخلادی گئج اویاندی

ممد تورانلو،کریم پور،نقدعلی
اصغرنیک فرجام،اکبر فرمانی
عبدی وخالقی،هوشنگ قاری

جانلا روندان بیزه خاطور گئچدیلر
حق یولونی ناحق یولدان سئچدیلر

گئدنلره خودا رحمت ائله سین
شیطانادا آلله لعنت ائله سین
باغلا رویوز آلله جنت ائله سین

رازقانلو نون بوغدالاری چوخ اولسون
کینه،کودرت اورکلردن یوخ اولسون

حسود لارون ده ده سی اوتدا یانسون
اوستا ممد کوراسونی قیزارتسون
اسکندرخان خلقین ائوین آغارتسون

حاجی یونوس توزلودا ارخ آروتسون
حاجی جعفر قدوخ دئسین گولدورتسون

عقیل عمی کاش یئریندن دورایدی
شیمر،اولایدی مسجد ده اوخویایدی
حارث کیمین اوشاقلاری وورایدی

هی قوجالوق سنین ائوی ییخیلسین
شیرلری ییخدین اوایپین قیریلسین

خورجین داغی حقیقت چوخ آجودور
رازقانلونون یاریسی خوب حاجودور
حج اسلامون قوروموش آغا جودور

دئمیرم کی داها حجه گئتمه یین
حجه گئدین مخلوقی آنلاتمایین

ایندی دی یلر منه کی کافرم
کندن آتالارچوله کی شاعرم
یاکی نیه شیطانا داش آتیرم

ساخلاگونان مردمی سن بی سواد
اونداحکومت ائله ابن زیاد

شعریمی من قیرخ بنده جن یئتیردیم
خورجین داغون دان من هاوا گوتیردیم
سیزی تاپدوم الیاس خانی ایتیردیم

استاد لاروما من دعا ایلرم
سیزلره جانومی فدا ایلرم

آلله سیزی بیزلره چوخ گورمه سین
اوشاقلاروز ساغ اولسون غم درمه سین
رازقانا حوقا باز آدام گلمه سین

گاهدان گلین یاده سالون بیزلری
ساخلاسون آلله اوبوتون سیزلری


96/4/18

نظرات 0 + ارسال نظر
ایمیل شما بعد از ثبت نمایش داده نخواهد شد