گل گینن:الیاس امیرحسنی

ای گونه اوخشار مارالوم گل گینن
ای یاناغی گول ،آلاووم گل گینن
گل هوره ییب ساچلاری گوستر منه
ای قاشی قاره اولانوم گل گینن
بیر گوزی دریا بیریسی آسمان
گل باشیو امن دولانوم گل گینن
گل اوره گیم قان ائلمه ای گوزل
گل منه سن تک قالانوم گل گینن
من سنی الدن وئرم اولّم داها
مین دفعه قوربانون اولوم گل گینن
گل دوداقوندان وئر اوپوم جان تاپوم
ای منی الدن سالانوم گل گینن
الیاسا رحم ایله اودا تک قالوب
ای گوزلیم حس و حالوم گل گینن