آی رازقانوم رازقانوم:الیاس امیرحسنی

رازقانوم آی رازقانوم
منیم شهریم ،کیانوم
من سنه قوربان اولدوم
سن ورمه دین امانوم

رازقانوم آی رازقانوم
داغیلدی خان و مانوم
حارامزادا دوشمانلار
باتیردی آد وسانوم

رازقانوم آی رازقانوم
منیم دردیم درمانوم
سن منی ساخلامادون
نئجه گلیم دولانوم

رازقانوم آی رازقانوم
باهاروم و خزانوم
نه گونلرسنده گئشدی
گئچدی داها دورانوم

رازقانوم آی رازقانوم
تو قاشقایا دوشانوم
سنی گورندن بئله
جوشار داماردا قانوم

رازقانوم آی رازقانوم
سن سن ورد زبانوم
بیر گون گلر یولوخار
منه قاشی کمانوم

رازقانوم آی رازقانوم
منیم دفتر دیوانوم
کیملر گلیب گئتدیلر
قوی دیوارا دایانوم

رازقانوم آی رازقانوم
هم عشقیم هم ایمانوم
سنی مندن آلدولار
هانسی کسه قادانوم

رازقانوم آی رازقانوم
قوربان سنه بو جانوم
منی سنده کولّال لار
گلر آغلار جیرانوم

 رازقانوم آی رازقانوم
گردنه ی حیرانوم
سنین کیمین گوزل یوخ
منیم دنیام ،جهانوم

 رازقانوم آی رازقانوم
یازدوم شرح و بیانوم
داروخموشام من سندن
یوخدور تاب و توانوم

رازقانوم آی رازقانوم
منیم باغ و جنانیم
سندن هئچ وخ دویمانام
اولماسا  دا قانانوم