ای چیرکینک: الیاس امیرحسنی

وار منیم سندن نه شیرین خاطیره ای چیرکینک

گل کمک وئر بوگئجه بو شاعیره ای چیرکینک

توزلوباغوندا درردیم دولدوراردوم صاندوقا

میندیرردیم اشّگه یا قاطیره ای چیرکینک

سکی باشوندا چیلاوس خانه لر یادش بخیر

ازدیرردی گیلالاری یولایاردی تندیره ای چیرکینک

بعضی لر وارلارییدی قیش ائوی ،پرچین لری

اوردا ساخلاردی آنالار شبچره ای چیرکینک

بیرسری باغلاردا بارگاه واریدی چل تیکه دن

خوشه لر اوردا قوروردی داییره ای چیرکینک

شیره نی سندن دوزلتماخ نئچه یولدور مرحله

ساری کوینک دیر بیری اوندان شیره ای چیرکینک

یادی خیر اولسون سنی من ازمیشم چوخ چکمه ده

ایلیری رازقانلی ایندی شیره سینی صادیره ای چیرکینک